పాల నవ్వులు- తేనె ఝల్లులూ,
ముద్దు మురిపాలు- మధుర స్మృతులు..
మీ అన్యోన్య జీవన రాగానికి పల్లవీ చరణాలై,
వెల్లువెత్తి ఉప్పొంగే సుమధుర భావ తరంగాల విహంగాలై….

కలిమి లేములు, కోపతాపాలు, జయాపజయాలు
ముచ్చటైన మీ దాంపత్యం ముందు తలలు వంచి
మీ కనుసన్నలలో నడయాడగా,
ప్రేమైక స్వరూపాలై వర్ధిల్లాలని,
ప్రకృతి ఒడిలో నిత్య వసంతాలై విలసిల్లాలని….

కలకాలం మెరుపుతీవలై ప్రకాశించాలని,
ఆశిస్తూ… ఆకాంక్షిస్తూ,
వివాహ మహోత్సవ సంరంభాల
సౌరభాలను ఆహ్వానిస్తూ….

మీ మాట, బాట పూదోటగా, నవ్వుల పంటగా,
నిండు నూరేళ్ళు ఎదురులేని జంటాగా
వర్థిల్లాలని ఆ గుడిగంటల సాక్షిగా
ఈ గుండె గంటలు మ్రోగించి,
నా శిరసు వంచి ప్రేమతో మీ ఇరువురికీ
పదవ పెళ్ళి పండుగ శుభాకాంక్షలందిస్తూ……………..

మీ…..
సతీష్

చిన్నప్పటి నుండీ కలుసుకోవాలనుకున్న గాన గంధర్వుడు శ్రీ గరిమెళ్ళ బాలకృష్ణ ప్రసాద్ గారి కచేరీ ప్రత్యక్షంగా వినే/చూసే భాగ్యం కలిగింది. ఆ రాగసుధా గానం విని నన్ను నేను మరిచిపొయాను. కచేరీ పూర్తవగానే వెళ్ళి వారి పాదాలకు నమస్కరించి నన్ను నేను పరిచయం చేసుకుని రెండు నిమిషాలు మాట్లాడగలిగాను. ఆ సరస్వతీ పుత్రుడు ఎంతో ఆత్మీయంగా, వినయంగా అందరితో మాట్లాడుతుంటే ఆశ్చర్యపోయాను. వారితో కలిసి తీయించుకున్న ఫొటో….

స్వరాలతో శ్రీనివాసుడిని అర్చిస్తున్న ఈ సరస్వతీ పుత్రుడికి నా పాదాభివందనాలు. వీరిపై త్వరలో ఒక వ్యాసం రాస్తాను.

ఎందరో మహానుభావులు…… అందరికీ వందనములు!!!!!!


]]> http://ningi.wordpress.com/2009/01/23/%e0%b0%97%e0%b0%b0%e0%b0%bf%e0%b0%ae%e0%b1%86%e0%b0%b3%e0%b1%8d%e0%b0%b3-%e0%b0%b5%e0%b0%be%e0%b0%b0%e0%b0%bf%e0%b0%a4%e0%b1%8b-%e0%b0%a8%e0%b1%87%e0%b0%a8%e0%b1%81/feed/ 3 yanamandra http://ningi.wordpress.com/2008/12/19/%e0%b0%b5%e0%b0%bf%e0%b0%a8%e0%b0%b0%e0%b1%8b-%e0%b0%ad%e0%b0%be%e0%b0%97%e0%b1%8d%e0%b0%af%e0%b0%ae%e0%b1%81-%e0%b0%b5%e0%b0%bf%e0%b0%b7%e0%b1%8d%e0%b0%a3%e0%b1%81-%e0%b0%95%e0%b0%a7%e0%b0%be/ http://ningi.wordpress.com/2008/12/19/%e0%b0%b5%e0%b0%bf%e0%b0%a8%e0%b0%b0%e0%b1%8b-%e0%b0%ad%e0%b0%be%e0%b0%97%e0%b1%8d%e0%b0%af%e0%b0%ae%e0%b1%81-%e0%b0%b5%e0%b0%bf%e0%b0%b7%e0%b1%8d%e0%b0%a3%e0%b1%81-%e0%b0%95%e0%b0%a7%e0%b0%be/#comments Fri, 19 Dec 2008 15:44:00 +0000 yanamandra http://ningi.wordpress.com/2008/12/19/%e0%b0%b5%e0%b0%bf%e0%b0%a8%e0%b0%b0%e0%b1%8b-%e0%b0%ad%e0%b0%be%e0%b0%97%e0%b1%8d%e0%b0%af%e0%b0%ae%e0%b1%81-%e0%b0%b5%e0%b0%bf%e0%b0%b7%e0%b1%8d%e0%b0%a3%e0%b1%81-%e0%b0%95%e0%b0%a7%e0%b0%be Continue reading →]]>
కౌసల్యా సుప్రజా రామా పూర్వా సంధ్యా ప్రవర్తతే……. ఇది తిరుమల ప్రభువుకు మేలుకొలుపు. ఈ ప్రశాంత సుందర సుప్రభాత గీతికా లహరి మన అంతరాత్మలను కూడా మేలుకొలుపుతూ, సచ్చిదానంద స్వరూపమైన పరమాత్మ సామీప్యాన్ని, సాక్షాత్కారాన్నీ కలిగిస్తాయి. ఆది శేషుని పడగల్లా అనంతంగా వ్యాపించిన వేంకటాచల శిఖరాలలో వెలసిన స్వయంభూ మూర్తి, కలియుగ ప్రత్యక్ష దైవం- వేంకటేశ్వరుడు.

తరతరాల మానవజాతి విశ్వాసాలకు సంకేతంగా నిలచిన వేంకటపతిని ఎందరో మహాభక్తులు సేవించి తరించారు. పదునాల్గవ శతాభ్దానికి చెందిన తాళ్ళపాక అన్నమాచార్యులు వేంకటేశ్వరుని మీద ఆయన దేవేరి అలమేలు మంగమ్మమీద ముప్పది రెండు వేల సంకీర్తనలను రచించాడు. నందకాంశ సంభూతుడైన ఈ మహా భక్తుడు పదహారవ ఏట భగవత్సాక్షాత్కారాన్ని పొంది సంకీర్తనలకు శ్రీకారం చుట్టాడు. ఈ పదకవితా పితామహుని కీర్తనలే రామదాసు, క్షేత్రయ్య, త్యాగయ్య వంటి తర్వాతి వగ్గేయకారులకు మార్గదర్శకమయ్యాయి.

పురంధర దాసులవారు వీరి సంకీర్తనలను స్వామీ సన్నిధిలో ప్రత్యక్షంగా విని ప్రశంసించారు. దక్షిణ భారత దేశంలో భజన సాంప్రదాయానికి ఈ సంకీర్తనాచార్యుడే నాంది పలికాడు (పాడాడు). భక్తి, సంగీత సాహిత్యాల త్రివేణీ సంగమమైన అన్నమయ్య పాటలు ఆబాల గోపాలం హాయిగా పాడుకునేవి. దేశీయమైన ఈ మధుర సారస్వతం క్షీరసాగరం లాంటిది.

అన్నమయ్య అంతరంగ బహిరంగాలలో నిలచిన తత్వం వేంకటేశ్వరుడే. ఆడినా- పాడినా, పొగడినా- తెగడినా, కసరినా- కొసరినా, కలసిన- కలహించినా అన్నీ ఆయనతోనే. తాను జపించి తపించిన వేంకటేశ్వర మంత్రాన్ని “అన్నిమంత్రములు ఇందే ఆవహించెనూ“ అంటూ సంకీర్తనల రూపంలో మనకు ఉపదేశించాడు. లోక కళ్యాణం కోసం పాటుపడ్డ ఆ శ్రీనివాస దాసుడు తన స్వామితో కడసారిగా ఇలా అన్నాడట- “ఈ సంకీర్తనలు నీ కీర్తిని చాటే పుష్పాలు, నీ పాదాలకే సమర్పిస్తున్నాను. నన్ను రక్షించడానికి ఒక్క సంకీర్తన చాలదూ? తక్కినవి నీ భండారంలో దాచుకోవయ్యా…” అని.

“చందమామ రావో జాబిల్లి రావో” అంటే వేంకటేశుడు గోరు ముద్దలు తిన్నాడో లేదో కానీ తెలుగింట చిన్న పిల్లలు అన్నం తినేవారు (ఇప్పుడు కార్టూన్ నెట్వర్క్ పెడితే గానీ తినడం లేదు-అది వేరే విషయం). “జో అచ్యుతానంద జో జోముకుందా“ అంటే ఆ ముకుందుడు నిద్ర పోయాడో లేదో గానీ మన పిల్లలు హాయిగా నిద్రపోతారు. అన్నమయ్య పాటలు తెలుగు సంస్కృతికి ప్రతిరూపాలు. అవి తెలుగు జనాల నోళ్ళలో నాటుకుని పోయాయి. తుమ్మెద పాటలు, గొబ్బిళ్ళ పాటలు, శృంగార గీతాలు, ఆధ్యాత్మిక పదాలు- మొత్తం ముప్పది రెండు వేలు, ఆహా “ఇది గాక సౌభాగ్యం ఇది గాక తపము మరి ఇది గాక వైభవము ఇంకొకటి కలదా?”

ఆ వైష్ణవ భావ కుసుమాలు ప్రపంచం మొత్తం భక్తి భావనను దివ్య పరిమళాలుగా వెదజల్లుతూనే వున్నాయి.నా సోదరి శ్రీమతి మాధవి విజయ్ గారి సలహా మేరకు సనాతన భారతిలో రస హృదయుల కొరకు అన్నమాచార్యుని సంకీర్తనలు (Audio/ script) పొందుపరుస్తాను. వినండి- తరించండి… శ్రీనివాస కృపా కటాక్ష సిద్ధి రస్తు…..

ఎందరో మహానుభావులు….. అందరికీ వందనములు!!!!!

]]> http://ningi.wordpress.com/2008/12/19/%e0%b0%b5%e0%b0%bf%e0%b0%a8%e0%b0%b0%e0%b1%8b-%e0%b0%ad%e0%b0%be%e0%b0%97%e0%b1%8d%e0%b0%af%e0%b0%ae%e0%b1%81-%e0%b0%b5%e0%b0%bf%e0%b0%b7%e0%b1%8d%e0%b0%a3%e0%b1%81-%e0%b0%95%e0%b0%a7%e0%b0%be/feed/ 4 yanamandra http://ningi.wordpress.com/2008/12/13/%e0%b0%9a%e0%b0%82%e0%b0%a6%e0%b0%ae%e0%b0%be%e0%b0%ae/ http://ningi.wordpress.com/2008/12/13/%e0%b0%9a%e0%b0%82%e0%b0%a6%e0%b0%ae%e0%b0%be%e0%b0%ae/#comments Sat, 13 Dec 2008 08:51:00 +0000 yanamandra http://ningi.wordpress.com/2008/12/13/%e0%b0%9a%e0%b0%82%e0%b0%a6%e0%b0%ae%e0%b0%be%e0%b0%ae Continue reading →]]>
త్రేతాయుగంలో శ్రీ రామచంద్రుడు చందమామ కావాలని మారాం చేస్తే తల్లి కౌసల్య అద్దంలో చంద్రుడిని చూపించి గోరు ముద్దలు తినిపించేదిట. ఆ సంగతి ఎలా వున్నా, గత అరవై సంవత్సరాలుగా భారతీయులను ఒక మాస పత్రిక చందమామను మరిపిస్తోంది. పిల్లల మాస పత్రికగా మొదలయిన పెద్ద వాళ్లు కూడా ఇష్టంగా చదివే పుస్తకమది. రామాయణ కల్పవృక్షం, వేయి పడగలు వంటి అద్భుత కావ్య రచనలు చేసి జ్ఞాన పీఠ పురస్కారాన్ని అందుకున్న కవి సామ్రాట్ విశ్వనాధ సత్యనారాయణ గారు “చందమామను నాచేత కూడా చదివిస్తున్నారు, హాయిగా వుంటుంది. పత్రిక రావడం ఆలస్యమైతే కొట్టువాడితో దెబ్బలాడతా” అని అన్నారంటే ఆ పత్రిక పిల్లల మనసునే కాక పెద్దల మనసుని కూడా దోచుకుందని అర్ధం అవుతుంది.